烘焙店嘅面包柜放满满满嘅新鲜法式面包,水果丹麦酥、法国奶油面包等,多款法式面包任你拣。另外,餐厅亦提供早午餐、甜品同咖啡,呢度brunch嘅面包都系新鲜焗制,非常高质! Croissant ($20) 每日新鲜出炉牛角包绝对系人气之选!牛油味好香,口感松软又香脆! Sourdough Egg Tart ($12) 平时食开蛋挞都会拣酥皮或曲奇皮,但Bake House嘅蛋挞皮同牛角包一样,超松软!可以食完一个又一个 Pistachio cream doughnut ($38) 开心果口味嘅doughnut,同平时食嘅冬甩唔同,另外仲有得拣朱古力味同覆盆子味 Strawberry Vanilla Danish ($28) 片片士多啤梨配上Vanilla吉士嘅丹麦酥! 3款Cream Brioche法国奶油面包,分别有柚子、抹茶、黑糖口味! 澳门必去景点法国奶油面包感觉好似食蛋糕一样,而Bake House分别加入柚子、抹茶、黑糖Cream丰富味蕾,面包控必试! Yuzu Cream Brioche ($36) 柚子味非常清新! Matcha Cream Brioche ($36) 抹茶味会较甜! Okinawa Black Sugar Cream Brioche ($36) 黑糖口味精选冲绳黑糖焗制,食个黑糖法国奶油面包再饮杯咖啡超夹呀! 另外Bake House都有大量座位提供一系到Brunch, Brioche French Toast ($98) 呢款法式西多同平时食嘅唔同,用法国有机面粉新鲜制成,多士非常有厚度,松软度好高,配上焦糖香蕉同柠檬cream cheese,好满足呀! Mushroom Toast ($108) 餐厅仲有多款早午餐选择,有牛油果、烟三文鱼、蘑菇等等,每款都好足料! |